Slidehockey

Slidehockey is in foarm fan iishockey, mar dan op in prikslide. Dizze sport waard ûntwikkele sadat minsken dy't lichaamlik beheind binne dochs iishockey spylje kinne. De widze fan it slidehockey stie yn 'e Sweedske haadstêd Stokholm, dêr't it yn 'e 1950-er jierren betocht waard. De klean en it grutste part fan de regels fan it spul komme oerien mei dy fan iishockey. Slidehockey is op 't heden ien fan 'e populêrste sporten fan 'e Paralympyske Spullen.